نفسي

بادور على كياني

بين الصفوف

اقف وآخد مكاني

أشم لون المطر
بعد سنين العطش
بعد الحياة ما دوّبت
كل اللي عندي وعذّبت

نفسي وروحي

وكل ده رغم

انه ساب لي

قلب موجوع م اللي شفته

نفس مقطوعة روحة مخنوقة

الا اني عايز أعيش

ليا مطرح امشي

فيه أو ما ليش

...
عايز أكون مرة هوا

فوق خدود متلهفة

لنظرة .. لقبلة شفا

عايز أكون

دبلة فضة أو دهب

المهم أدفي قلب
عاش طول عمره خايف

م السفر وحيد

من ظلم الحياة

من مصير العبيد

يوم أو للحظة

 أكون له فيها عيد

...

عايز أكون شهد وعصير
ف جوف أتمني نظرة أمل
ما ألتقي غير السؤال

يترد بالآف السهام والخناجر   

أكتفي بالحلم حتى الحلم نادر

...
عايز اتّحوّل سعادة

عايز أكون بسمة جميلة

فوق شفاه صفرا وهزيلة

راحة من سنين كان طلبها

وأخيراً الدور أصابها
...

نفسي أعمل حاجات كتير
نفسي أكون أي خير

نفسي اخلّي الناس حقيقي  
يفرحوا ولو لوقت قصير

20/10/2010