عم سعيد
عم سعيد
ابو عزم شديد
ابوروح وشجون
ودموع ف عيون
كل مسجون
بكلبش حديد
وقف صداح
يسمع ف كلام
ينسج انغام
فرشة برسام
لقمر جاي من بعيد
ومعاه رجع المسافر
من السفر البعيد
وجاب الشمس
هدية ليوم جديد
وقف جنب الورود
يسأل عن الاحبة
عن الصحاب والجيران
على كل قطرة هنا شربها
على كل دمعة كان بيحاسبها
على كل نور كان هنا
بدر البدور حيّنا
بشر السرور دم قلوبنا
كان في زمان اب خايف
شايف كتير بس مش شايف
من كتر خوفه سكنت حروفه
ما اتحركت غير هواجس كسوفه
ودا مين يشوفه لما يطير
عصفور طاير وسط السعير
طاير حزين بينده لمين
عدت سنين ومرت سنين
وهو لسه رغم الالام
جوه الحطام
في بنورة مش مكسورة
أضاءت ظلمة المكان
عالجت وفوقت الامان
كان فين دا كله من زمان
املا الكؤوس بماء الورد
اشرب واسقي اي حد
فعلا لازم الوعد
يتحقق مهما مرت سنين
وعدت سنين رغم الانين
صمت الحزين كسرة الهجين
وشرب من نهر العذاب
نهر الجراح نهر الحنين
ومين داق وتاب ومين ارتاح
ارتحت لما لقيت نفسي
لقيت نفسي
لقيت انسان مع بني آدمين
ونجوم الارض حرقت الشياطين
ونور ملا المكان
بداية فجر يوم جديد 
ليست هناك تعليقات:
إرسال تعليق